مخدوع فيها مخدوع

مخدوع فيها مخدوع

ضنيت يا قلبي تجيك بوفاها
وأمنت من غدر يجي لك من الخلف

حبيتها ضنيتها في هواها
مثلك وفيه مخلصة دون تحلف

ما تدري غدارة ويسري بدماها
الكذب والحيلة وكل شي مزيف

أمنتها روحك وقلبك معاها
وخلتك من بين الضحايا على الرف

يكفيك اللي خلته من ورآها
كم من مصاب القلب ينفض ويرجف

وش تنتظر يا اللي بلاك بهواها
الموت ارحم من مشاعر تراجف

اقفل على قلبك وقيد غلاها
وادفن أحاسيسك وللعز ازحف

أركم همومك لين تنثر بماها
لين المشاعر عن هواها تنظف

دور حبيبه تمزجك في دماها
نفس الأصالة في هواها تهفهف

واحذر تسلم مثلها أو سواها
كل المشاعر مهما قالت وتحلف

الجرح يبقى كل ما جا طراها
إذا حصل لك مثل هذاك موقف

لأنك بتذكر كم عنيت بهواها
وكم ضاق صدرك وهي لأحزانك تزف

النفس منك جاها اللي كفاها
الوحدة أحسن لك واشرف وأنظف

» الإقبال على الصلاة وبعض الملاحظات فيها